कक्षा १२ प्राविधिक धार तर्फका विद्यार्थीका माग सम्बोधन गर्न ध्यानाकर्षण

काठमाडौँ । अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी) ले नतिजा छिटो प्रकाशन गर्ने निर्देशन दिँदा कक्षा १२ प्राविधिक धारतर्फका विद्यार्थीहरू मर्कामा परेको भन्दै सरकारकाे ध्यानाकर्षण जनाएको छ ।

सङ्गठनका अध्यक्ष महेश श्रेष्ठले विज्ञप्ति जारी गर्दै प्राविधिक धारतर्फका करिब १० हजार विद्यार्थीहरूको भविष्य समन्वय अभावका कारण अन्योलमा परेको भन्दै विद्यार्थीको माग सम्बोधन गर्न आग्रह गरेको हो । विज्ञप्तिमा भनिएको छ, ‘कक्षा १२ मा बाली विज्ञान, पशु विज्ञान, कम्प्युटर साइन्स र सिभिल इन्जिनियरिङ अध्ययनरत विद्यार्थीहरूको ओजीटी सकिन अझै केही महिना लाग्ने भएकाले उनीहरूले ट्रान्सक्रिप्ट र प्रोभिजनल सर्टिफिकेट समयमै पाउन नसक्ने स्थिति छ ।