बागमतीका ६ विना विभागीय मन्त्रीलाई अतिरिक्त जिम्मेवारी

हेटौँडा । बागमती प्रदेशका मुख्यमन्त्री इन्द्रबहादुर बानियाँले विना विभागीय ६ मन्त्रीलाई अतिरिक्त जिम्मेवारी तोकेका छन् । मुख्यमन्त्री बानियाँले प्रदेश सरकारको मन्त्रालय सङ्ख्या घटाउने निर्णयसँगै ६ जना विना विभागीय मन्त्रीलाई विभिन्न विषयगत मन्त्रालयमा अतिरिक्त जिम्मेवारी तोकेका हुन् ।

विना विभागीय मन्त्री बिनु रायमाझी पौडेललाई आन्तरिक मामिला, कानुन तथा सहकारी मन्त्रालय अन्तरगत सहकारी विषय हेर्ने जिम्मेवारी दिएका छन् भने मन्त्री जयराम थापालाई उद्योग, पर्यटन, श्रम तथा यातायात मन्त्रालय अन्तरगत श्रम, रोजगार तथा यातायात विषय हेर्ने जिम्मेवारी दिइएको छ ।