सरकारको प्राथमिकता मानव-वन्यजन्तु द्वन्द्व व्यवस्थापन र मल अभाव समाधान [भिडियो]

काठमाडौँ । कृषि, वन तथा वातावरणमन्त्री गीता चौधरीले कृषि र वन क्षेत्रमा देखिएका दीर्घकालीन समस्याको समाधानका लागि कानूनी तथा नीतिगत सुधारलाई मन्त्रालयको प्रमुख प्राथमिकतामा राखिएको बताएकी छन्।

प्रतिनिधिसभाअन्तर्गतको कृषि, सहकारी तथा प्राकृतिक स्रोत समितिको शुक्रबार बसेको बैठकमा मन्त्रालयको प्रगति र आगामी कार्ययोजनाबारे जानकारी दिँदै उनले मानव-वन्यजन्तु द्वन्द्व व्यवस्थापन, रासायनिक मलको सहज उपलब्धता तथा आवश्यक कानून निर्माणलाई उच्च प्राथमिकतामा राखिएको बताइन्।