दीपक भट्टको कम्पनीबाट देउवापुत्र जयवीरको कम्पनीमा साढे २ करोड ट्रान्सफर

काठमाडौँ । सम्पत्ति शुद्धीकरणसम्बन्धी अनुसन्धान मुद्दामा पुर्पक्षका लागि थुनामा रहेका व्यवसायी दीपक भट्टको कम्पनीबाट नेपाली कांग्रेसका पूर्व सभापति शेरबहादुर देउवापुत्र जयवीर देउवाको लगानी रहेको कम्पनीमा झन्डै साढे २ करोड रकम गएको पाइएको छ ।

सम्पत्ति शुद्धीकरण अनुसन्धान विभागले बिहीबार विष्णु पौडेलसहित १४ जना व्यक्ति तथा कम्पनीविरुद्ध विशेष अदालतमा दायर गरेको अभियोगपत्रमा यस्तो उल्लेख गरिएको हो । यो विषयमा थप छानबिन भइरहेको विभागको अभियोगपत्रमा उल्लेख छ ।