एसियाली खेलकुदको तयारी: उसुको थाउलो टोली आइतबार चीन जाने

काठमाडौं । जापानको आइची-नागोयामा हुने २० औं एसियाली खेलकुद (एसियाड) को विशेष तयारी प्रशिक्षणका लागि उसुको थाउलो टोली आइतबार चीनको कुन्मिङ प्रस्थान गर्ने भएको छ ।

प्रशिक्षणका लागि चीन जान लागेका खेलाडीहरूमा हरि गोले, राजीव तामाङ, दीपक हमाल, विजय सिन्जाली र सविता राई रहेका छन् । एसियाली खेलकुदकै लागि छनोट भएकी अर्की खेलाडी सुस्मिता तामाङ हाल चीनमै रहेकाले उनी त्यतैबाट नेपाली टोलीमा सहभागी हुने छिन् । टोलीको प्रशिक्षकमा प्रकाश महर्जन रहेका छन् ।