बागमतीमा मन्त्रीलाई महाशाखा हेर्ने जिम्मेवारी

मकवानपुर । बागमती प्रदेश सरकारमा शुक्रबार मन्त्री परिषदमा हेरफेर गरेको छ । यससंगै बागमतीमा नौलो अभ्यासको सुरु भएको छ। १४ वटा मन्त्रालय घटाएर ८ वटा कायम गरिए पनि एउटै मन्त्रालयभित्र विभागीय मन्त्रीसँगै महाशाखा (विषयगत क्षेत्र) हेर्ने गरी अर्को मन्त्रीलाई पनि जिम्मेवारी दिइएको छ।

प्रदेश प्रमुखको कार्यालयले ८ वटा मन्त्रालयका लागि विभागीय मन्त्री तोकेको छ भने सोही मन्त्रालयभित्र विभिन्न महाशाखा हेर्ने गरी बिनाविभागीय मन्त्रीहरूलाई विषयगत जिम्मेवारी प्रदान गरिएको छ। एउटै मन्त्रालयमा विभागीय मन्त्रीसँगै बिनाविभागीय मन्त्रीलाई महाशाखागत जिम्मेवारी दिने यस्तो अभ्यास नेपालमै पहिलो पटक देखिएको छ।