अश्लील र द्विअर्थी शब्द प्रयोग भएको भन्दै ‘मास्टर्नी’ चलचित्रको गीत हटाउन महिला शिक्षक समाजको माग

काठमाडौं । चलचित्र ‘मास्टर्नी’को प्रोमोसनल गीतलाई सामाजिक सञ्जालबाट हटाउन महिला शिक्षक समाजले माग गरेको छ । शुक्रबार एक विज्ञप्ति निकाल्दै समाजले सम्पूर्ण शिक्षक वर्ग र शिक्षण पेसाकै गौरवमाथि आघात पुर्‍याएको भन्दै उक्त गीत हटाउन माग गरेको हो ।

समाजकी अध्यक्ष डा. जानुका नेपाल र सचिव गीता भट्टराईद्वारा हस्ताक्षर गरिएको विज्ञप्तिमा गीतले महिला शिक्षकहरूलाई लक्षित गरी अमर्यादित शब्द, द्विअर्थी ध्वन्यात्मक आवाज र गलत आशय प्रकट गरेको उल्लेख गरिएको छ ।