सोलुखुम्बुको जङ्गलमा बाटो भुलेर हराएका २१ वर्षीय जर्मन नागरिकको सकुशल उद्धार

सोलुखुम्बु । सोलुखुम्बुको लिखुपिके गाउँपालिकास्थित जङ्गल र भिरको बाटोमा हराएका एक विदेशी नागरिकलाई प्रहरीले सकुशल फेला पारेर उद्धार गरेको छ।

पिके पिक घुमेर जिरीका लागि पैदल हिँडेका जर्मनीका २१ वर्षीय नागरिक एलियास वेन्डशूह बाटो भुलेर जङ्गलमा बेपत्ता भएका थिए। उनी जेठ १७ गते बिहान करिब ९ बजेको समयमा लिखुपिके गाउँपालिका वडा नं. ५ किन्जा क्षेत्रमा पर्ने ठूलो भिर र जङ्गलको इलाकामा अलपत्र परेका थिए।