उच्च अदालत पाटनको कार्यसम्पादन : लक्ष्यभन्दा बढी मुद्दा फर्छ्योट, २ वर्ष नाघेका मुद्दा शून्य

काठमाडौँ । उच्च अदालत पाटन न्याय सम्पादनको क्षेत्रमा सफल देखिएको छ । आर्थिक वर्ष २०८२/०८३ को कार्यसम्पादन प्रतिवेदन सार्वजनिक गर्दै अदालतले २ वर्ष नाघेका सबै मुद्दाहरू फर्छ्योट गरी शून्यमा पुर्‍याउन सफल भएको जनाएको छ ।

उच्च अदालत पाटनका मुख्य न्यायाधीश लालबहादुर कुँवरले २ वर्ष नाघेका सबै मुद्दा शून्यमा झर्नुमा सबैको साथ र भूमिका महत्त्वपूर्ण रहेको बताए । ‘हामीले सेवाग्राहीको सन्तुष्टिलाई केन्द्रमा राखेर काम गरिरहेका छौँ,’ कुँवरले भने, ‘न्यायपालिकाले जनविश्वासको आधारमा रहेर काम गर्‍यो र सबैको साथ भयो भने न्यायपालिकाले राखेको लक्ष्य हासिल गर्न सकिने यो एउटा उदाहरण हो ।‘