विद्यार्थी सङ्ख्या न्यून भएका खजुराका तीन विद्यालय समायोजन

विद्यार्थी सङ्ख्या न्यून भएका विद्यालयलाई समायोजन गर्ने नीतिअनुसार बाँकेको खजुरा गाउँपालिकाले तीन वटा विद्यालय समायोजन गरेको छ ।

खजुरा गाउँपालिका–३ बी गाउँस्थित शान्ति प्राथमिक विद्यालय, खजुरा गाउँपालिका–२ गौरीनगरस्थित भानुदय प्राथमिक विद्यालय र शिव प्राथमिक विद्यालय, नयाँ गुराँसपुरमा विद्यार्थी सङ्ख्या न्यून रहेकाले ती विद्यालयलाई अन्य विद्यालयमा समायोजन गरिएको खजुरा गाउँपालिकाको शिक्षा शाखाले जनाएको छ ।