मालिकीमा सिँढीसहितको पदमार्ग

मुगु । सदरमुकाम गमगढीदेखि करिब चार घण्टाको पैदल उकालो यात्रापछि पुगिने पर्यटकीय स्थल मालिकीमा अहिले स्तरीय सिँढीसहितको पदमार्ग निर्माण भइरहेको छ । कर्णाली प्रदेशका पहिलो सगरमाथा आरोही तथा पूर्वधावक अक्कल बोहोराको व्यक्तिगत लगानीमा उक्त क्षेत्रमा सिँढीसहितको बाटो निर्माण गरिएको हो ।

छायानाथ रारा नगरपालिका–थार्पका बासिन्दा बोहोरा हाल स्पेनमा रहे पनि उनले आफ्नो कमाइको केही हिस्सा मुगुको सामाजिक तथा पर्यटन विकासमा खर्च गर्दै आएका छन् । उनकै पहलमा मालिकी क्षेत्रलाई व्यवस्थित पर्यटकीय गन्तव्यका रूपमा विकास गर्ने उद्देश्यसहित सिँढी निर्माण थालिएको हो ।