खुल्यो बर्डफ्लुले बन्द सदर चिडियाखाना [फोटोफिचर]

काठमाडौँ । बर्डफ्लु संक्रमण फैलिएपछि करिब एक महिनादेखि बन्द ललितपुरको जावलाखेलस्थित सदर चिडियाखाना शुक्रबारदेखि सर्वसाधारणका लागि खुला गरिएको छ ।

असार ५ गतेदेखि बन्द चिडियाखाना संक्रमण नियन्त्रणमा आएपछि अवलोकनका लागि खुलाइएको हो । काग मरेको र परीक्षण गर्दा बर्डफ्लु पोजेटिभ देखिएपछि चिडियाखाना बन्द गरिएको थियो । बर्डफ्लुका कारण चिडियाखानामा ४१ वटा पशुपंक्षी मरेका थिए ।