भारतमा हाइड्रोजन इन्धनबाट चल्ने रेल सञ्चालनमा

काठमाडौँ । भारतले पहिलोपटक हाइड्रोजन इन्धनबाट चल्ने रेल सञ्चालनमा ल्याएको छ । प्रधानमन्त्री नरेन्द्र मोदीले शुक्रबार उक्त रेलको उद्घाटन गर्दै भारतलाई हाइड्रोजन रेल सञ्चालन गर्ने सीमित राष्ट्रहरूको सूचीमा उभ्याएका छन्।

१० वटा डिब्बा रहेको उक्त रेलमा एकैपटक २ हजार ६ सय यात्रुले यात्रा गर्न सक्ने क्षमता छ । रेल हरियाणाको जिन्द र सोनीपतबीच सञ्चालन हुनेछ। यसको अधिकतम सञ्चालन गति ७५ किलोमिटर प्रतिघण्टा रहनेछ भने ११० किलोमिटर प्रतिघण्टासम्मको गतिलाई ध्यानमा राखेर डिजाइन गरिएको छ।