मानव–वन्यजन्तु द्वन्द्व समाधान राजनीतिक दलको प्राथमिकतामा पर्नुपर्छ : गगन थापा

काठमाडौं / नेपाली कांग्रेसका सभापति गगनकुमार थापाले मानव–वन्यजन्तु द्वन्द्व नागरिकको जीवनसँग प्रत्यक्ष जोडिएको महत्वपूर्ण विषय भएकाले यसको समाधान राजनीतिक दलहरूको प्राथमिकतामा पर्नुपर्ने बताएका छन् ।

कांग्रेसको १२औँ ‘ग्रीन टेबल’ कार्यक्रमअन्तर्गत आयोजित ‘मानव–वन्यजन्तु द्वन्द्व र सुरक्षित सहअस्तित्व’ विषयक कार्यक्रममा बोल्दै सभापति थापाले यस विषयमा व्यापक छलफल गरी सुझावसहितको दस्तावेज तयार गरिने जानकारी दिए ।