सरकारले पुनर्निर्माणका अन्तर्राष्ट्रिय सहयोग माग्ने, हुनसक्छ दातृ निकायको सम्मेलन

१३ भदौ, काठमाडौं । परराष्ट्रमन्त्री शिशिर खनालले विपद्‌बाट भएको ठूलो क्षतिको पुनर्स्थापना तथा पुनर्निर्माणका लागि नेपालले अन्तर्राष्ट्रिय सहयोग लिनुपर्ने अवस्था रहेको बताएका छन्। यसका लागि दाता सम्मेलन गर्ने सम्मको उनले संकेत गरेका छन् ।

परराष्ट्र मन्त्रालयको प्रेस ब्रिफिङमा शनिबार मन्त्री खनालले पूर्वाधार, सडक सञ्जाल, पुल तथा जलविद्युत् आयोजनालगायतका क्षेत्रमा व्यापक क्षति पुगेकाले अहिले क्षतिको विस्तृत मूल्याङ्कन भइरहेको जानकारी दिए।