प्रियंकाको‘मास्टर्नी’ विवादमा: गीत हटाउन शिक्षक संघ–संगठनको माग

प्रदर्शनको तयारीमा रहेको नेपाली चलचित्र ‘मास्टर्नी’ को सार्वजनिक गरिएको गीत विवादमा परेको छ। गीतमा महिला शिक्षकलाई अपमानजनक ढंगले चित्रण गरिएको भन्दै नेपाल शिक्षक महासंघसहित विभिन्न शिक्षक संघ–संगठनले गीत तत्काल हटाउन र चलचित्रमा प्रयोग नगर्न माग गरेका छन्।

भदौ ५ गतेदेखि प्रदर्शनमा आउने तयारीमा रहेको चलचित्रको गीत सार्वजनिक भएपछि शिक्षक समुदाय, अभिभावक र सामाजिक सञ्जालमा तीव्र बहस सुरु भएको छ। विशेषगरी महिला शिक्षकको चरित्रलाई प्रस्तुत गरिएको शैलीले शिक्षण पेशाको गरिमामा आँच पुर्‍याएको भन्दै व्यापक आलोचना भइरहेको छ।