त्रिशूली–३ ‘बी’ जलविद्युत् आयोजनामा फसेकाको उद्वार हुँदै

प्रतिकूल मौसम र अत्यन्त चुनौतीपूर्ण परिस्थितिका बाबजुद रसुवास्थित त्रिशूली–३ ‘बी’ जलविद्युत् आयोजनाको साइटको रेकी, रेखाङ्कन तथा उद्धार कार्यलाई अघि बढाउन निरन्तर प्रयास भइरहेको ऊर्जा, जलस्रोत तथा सिँचाइ मन्त्री विराजभक्त श्रेष्ठले बताएका छन् ।

मन्त्री श्रेष्ठका अनुसार साइटको अवस्थाबारे जानकारी संकलन तथा उद्धारका लागि सुरुदेखि नै निरन्तर खटिँदै आएका बिनु कुमार बरालसहितको टोली केही बेरअघि थप हेलिकप्टरमार्फत घटनास्थलतर्फ प्रस्थान गरेको छ। प्रतिकूल मौसमका कारण चुनौतीपूर्ण बनेको उद्धार प्रयासलाई सम्भव भएसम्म सुरक्षित र प्रभावकारी ढंगले अघि बढाउन सुरक्षा निकायबीच निरन्तर समन्वय भइरहेको उनको भनाइ छ।