सुस्ताको तटबन्ध निर्माणमा एसएसबीको अवरोधको विषय परराष्ट्र मन्त्रालयमा पुग्यो

बुटवल । पश्चिम नवलपरासीको सुस्तामा निर्माणाधीन तटबन्धको काममा भारतीय सशस्त्र सीमा बल (एसएसबी)ले अवरोध गरेको विषय अहिले परराष्ट्र मन्त्रालयसम्म पुगेको छ ।

गृह मन्त्रालयका सहसचिव तथा प्रवक्ता आनन्द काफ्लेले जिल्ला प्रशासन कार्यालय पश्चिम नवलपरासीबाट प्राप्त जानकारी परराष्ट्र मन्त्रालयमा पठाइएको बताउँदै कूटनीतिक पहलमार्फत समस्या समाधान हुने विश्वास व्यक्त गरे ।