इरान युद्धबारे पहिलो पटक कंग्रेससमक्ष 'गवाही' दिँदै मार्काे रुबियो

वासिङ्टन डीसी । अमेरिकी विदेशमन्त्री मार्को रुबियो मंगलबार पहिलो पटक अमेरिकी कंग्रेससमक्ष उपस्थित हुँदै छन् । यहाँ उनले ट्रम्प प्रशासनको विदेश नीति र विशेषगरी इरानसँग सम्बन्धित तनावबारे कडा प्रश्नहरूको सामना गर्ने अपेक्षा गरिएको छ ।

यो सुनुवाइ कंग्रेसका प्रतिनिधि सभा र सिनेट समितिहरूमा लगातार हुनेछ, जहाँ विदेश मन्त्रालयको वार्षिक बजेट प्रस्ताव प्रस्तुत गरिनेछ । तर मुख्य बहस बजेटभन्दा पनि हालको अन्तर्राष्ट्रिय संकट विशेषगरी अमेरिका र इरानबीचको कमजोर युद्धविराम तथा बढ्दो तनावमा केन्द्रित हुने देखिएको छ ।