झापामा ४ वटा औषधि पसल सिल

झापा : झापामा चारवटा औषधि पसल सिल गरिएको छ। औषधि व्यवस्था विभाग विराटनगर र जिल्ला प्रशासन कार्यालय झापाले जिल्लाका विभिन्न स्थानमा सञ्चालित औषधि पसलहरूको स्थलगत अनुगमनको क्रममा चारवटा औषधि पसल सिल गरिएको हो।

संयुक्त अनुगमन टोलीले तीन दिनसम्म जिल्लाको भद्रपुर, बिर्तामोड, कचनकवल र दमकमा गरी ४७ वटा औषधि पसलको अनुगमन गरेका थिए। अनुगमनका क्रममा भद्रपुरको सृजना फार्मेसी, चन्द्रगढीको निदान आयुर्वेद मेडिकल, कचनकवलको अमिला मेडिकल हल र सापकोटा हेल्थ क्लिनिक सिल गरिएको औषधि व्यवस्था विभाग विराटनगरका सूचना अधिकारी दीपेन्द्र खड्काले जानकारी दिए।