एनभिएलका ६ फ्रेन्चाइज टोलीले घोषणा गरे मार्की खेलाडी

नेपाल भलिबल लिग (एनभिएल) को पहिलो संस्करणका लागि सहभागी ६ वटा फ्रेन्चाइज टोलीले आफ्ना मार्की खेलाडी सार्वजनिक गरेका छन्। गण्डकी प्रदेशका चर्चित स्पाइकर हिमाल सुनारीसहित ६ राष्ट्रिय खेलाडी विभिन्न टोलीमा मार्की खेलाडीका रूपमा अनुबन्ध भएका हुन्।

केडिया ग्रुपको आयोजनामा ‘उचाइको नयाँ उडान’ नारासहित पहिलोपटक आयोजना हुन लागेको पुरुष फ्रेन्चाइज भलिबल लिगका लागि शुक्रबार टोलीहरूले आफ्नो प्रमुख खेलाडी घोषणा गरेका हुन्।