साउनदेखि कुन–कुन बैंकले घटाए ब्याजदर ?

नयाँ आर्थिक वर्षको पहिलो महिनासँगै वाणिज्य बैंकहरूले निक्षेपको ब्याजदर पुनरावलोकन गरेका छन्। साउन १ गतेदेखि लागू हुने नयाँ ब्याजदरअनुसार २० वाणिज्य बैंकमध्ये ८ बैंकले निक्षेपको ब्याजदर घटाएका छन् भने १२ बैंकले अघिल्लो महिनाकै ब्याजदरलाई निरन्तरता दिएका छन्।

सबैभन्दा बढी ब्याजदर कटौती गर्नेमा राष्ट्रिय वाणिज्य बैंक रहेको छ। बैंकले व्यक्तिगत मुद्दती निक्षेपमा ०.७५ प्रतिशत बिन्दु र संस्थागत मुद्दती निक्षेपमा १ प्रतिशत बिन्दुले ब्याजदर घटाएको छ।