जैविक विविधता जोगाउन केरा, आँप, एभोकाडो र धनियाँपछि बदाम आयातमा रोक

१ साउन, काठमाडौं । विदेशी भूमिमा उत्पत्ति भएका विनाशकारी रोग वा किरा आयातित कृषि उपज मार्फत नेपाल भित्रिए भने के होला ? विज्ञ भन्छन्– ‘यसले नेपाली कृषि र जैविक विविधतामा अकल्पनीय विपत्ति ल्याउन सक्छ ।’

नेपालको आफ्नै विशिष्ट पारिस्थितिक प्रणाली छ । जब कुनै विदेशी मिचाहा किरा नेपालको नयाँ र अनुकूल वातावरणमा आइपुग्छ, त्यसलाई खाएर सन्तुलनमा राख्ने ‘प्राकृतिक सिकारी’ यहाँ हुँदैनन् । जसका कारण त्यस्ता किराले असीमित खाना पाउँछन् र तीव्र रूपमा फैलिएर किसानको खेतदेखि भण्डारणसम्मका रैथाने बालीनाली सखाप पार्छन् ।