नेपाल टेलिभिजनको स्याटलाइट ब्याण्डविथ खरिदमा साढे २० करोड हिनामिना भएको छानबिन समितिको निष्कर्ष

काठमाडौं । नेपाल टेलिभिजन (हालको सार्वजनिक सेवा प्रसारण संस्था) को स्याटलाइट ब्याण्डविथ खरिद प्रक्रियामा भएको अनियमितता सम्बन्धी छानबिन गर्न गठित अध्ययन समितिले सरकारलाई प्रतिवेदन बुझाएको छ । समितिले शुक्रबार सूचना तथा सञ्चारमन्त्री डा. विक्रम तिमिल्सिनासमक्ष बुझाएको प्रतिवेदनमा विभिन्न समयमा भएका स्याटलाइट ब्याण्डविथ खरिद तथा सम्झौतामा गम्भीर अनियमितता भएको उल्लेख छ ।

प्रतिवेदनले खरिद प्रक्रियामा कानुनविपरीतका कार्य, प्रक्रियागत त्रुटि, वित्तीय अनुशासनको उल्लङ्घन र संस्थालाई प्रत्यक्ष आर्थिक हानि पुग्ने गरी गरिएका निर्णयहरू फेला परेको निष्कर्ष निकालेको छ ।