आर्थिक वर्ष ०८३/८४ ‘कानून सुधार तथा कानून निर्माण वर्ष’ घोषणा (कार्ययोजनासहित)

कानून, न्याय तथा संसदीय मामिला मन्त्रालयले आर्थिक वर्ष २०८३/८४ लाई ‘कानून सुधार तथा कानून निर्माण वर्ष’ का रूपमा घोषणा गरेको छ। मन्त्रालयले संघीय संसदमा पेश गरिने १६६ वटा विधेयकलाई प्रभावकारी रूपमा अघि बढाउने लक्ष्यसहित यो अभियान सुरु गरेको जनाएको छ।

कानून, न्याय तथा संसदीय मामिला मन्त्री सोबिता गौतमले भिडियो सन्देशमार्फत अभियानको उद्देश्य, प्राथमिकता र कार्ययोजनाबारे जानकारी दिँदै प्रचलित कानूनको सुधार तथा नयाँ कानून निर्माणलाई व्यवस्थित र प्रभावकारी बनाउने उद्देश्यले आर्थिक वर्ष २०८३/८४ लाई कानून सुधार तथा कानून निर्माण वर्षका रूपमा घोषणा गरिएको बताइन्।