कोलकाताबाट विराटनगरसम्म रेल कार्गो सेवा सुरु

नेपाल–भारत पारवहन सम्झौताअन्तर्गत कोलकाता बन्दरगाहबाट विराटनगरसम्म रेलमार्फत कार्गो ढुवानी सेवा शुक्रबारदेखि औपचारिक रूपमा सुरु भएको छ।

कोलकातास्थित नेपाली महावाणिज्य दूतावासका अनुसार पहिलो चरणमा भारतीय कन्टेनर निगम लिमिटेड (कोनकर) को रेलमार्फत स्वस्तिक आयल इन्डस्ट्रिजका लागि तेस्रो मुलुकबाट आयात गरिएको कच्चा पदार्थ बोकेका ४० वटा ४० फिटका कन्टेनर विराटनगर पठाइएको छ।