गोरखामा गृहमन्त्री गुरुङको निर्देशन :१५ मिनेटभित्र नागरिकता दिनू, एक रुपैयाँ घुस लिए पनि कारबाही हुन्छ

गोरखा । गृहमन्त्री सुधन गुरुङले जिल्ला प्रशासन कार्यालय गोरखाबाट प्रवाह हुने सेवा छिटो, पारदर्शी र सेवाग्राहीमैत्री बनाउन कर्मचारीलाई निर्देशन दिएका छन्।

शुक्रबार गोरखा पुगेका गृहमन्त्री गुरुङले जिल्ला प्रशासन कार्यालयका कर्मचारीलाई निर्देशन दिँदै नागरिकता प्रदान गर्ने प्रक्रिया १५ मिनेटभित्र सम्पन्न गर्नुपर्ने बताए। उनले सेवाग्राहीसँग एक रुपैयाँ घुस लिएको जानकारी पाए पनि कडा कारबाही गरिने चेतावनी दिए।