संविधान संशोधनबारे र प्रतिनिधि सभा नियमावली र संविधानमा राखिएका व्यवस्था फरक–फरक हुन् ?

काठमाडौँ । जेठ १७ गते प्रतिनिधि सभा बैठकमा विपक्षी दलहरूले बेल घेराउ गरिरहेको तनाबपूर्ण अवस्थाबिच बहुमतबाट पारित प्रतिनिधि सभा नियमावली २०८३ को नियम १४० मा संविधान संशोधनसम्बन्धी व्यवस्था राखिएको छ । नियमावलीमा राखिएको त्यो व्यवस्था संविधानमा भएको भन्दा फरक पार्न खोजिएको भन्दै विपक्षी दलहरूले विरोध गरिरहेका छन् ।

नेपालको संविधानको धारा २७४ को उपधारा ८ मा ‘संघीय संसद्का दुवै सदनमा तत्काल कायम रहेका सम्पूर्ण सदस्य संख्याको कम्तीमा दुई तिहाइ बहुमतबाट पारित गर्नु पर्नेछ’ भन्ने व्यवस्था राखिएको छ ।