नुवाकोट ब्यारेकबाट बाढीपीडितको गुहार : ‘बिस्कुट र पानी भए पनि केही सहज हुन्थ्यो’

काठमाडौं : रसुवाका विभिन्न स्थानबाट उद्धार गरी नुवाकोटस्थित नेपाली सेनाको ब्यारेकमा ल्याइएका बाढीपीडितहरूको लागि आवश्यक खानपान र उचित बसोबासको व्यवस्थापन नहुँदा उनीहरूले कठिनाइ भोग्न परेको छ।

उद्धार गरिएको चार दिन बितिसक्दा पनि बसोबास र खाद्यान्नको सहज प्रबन्ध हुन नसक्दा पीडितहरूलाई समस्या भइरहेको छ। बाढी प्रभावित क्षेत्रबाट ल्याइएका उनीहरू हाल ब्यारेक परिसरमा बसिरहेका छन्।