सुनको मूल्य घट्ने क्रम जारी, एक हप्तामा ५ हजार बढीको गिरावट

नेपाली बजारमा पछिल्लो एक हप्ताको अवधिमा सुनको मूल्यमा ठूलो उतारचढाव देखिएको छ । नेपाल सुनचाँदी व्यवसायी महासंघकाअनुसार, गत असार २६ गते शुक्रबारदेखि साउन १ गते शुक्रबारसम्मको अवधिमा सुनको मूल्यमा ५ हजार ३०० रुपैयाँको गिरावाट आएको हो ।

महासंघका अनुसार, गत २६ गते सुन प्रतितोला २ लाख ८७ हजार ४०० रुपैयाँमा कारोबार भएको थियो । २८ गते आइपुग्दा मूल्यमा ६०० रुपैयाँले वृद्धि भई प्रतितोला २ लाख ८८ हजार रुपैयाँ पुगेको थियो । त्यस्तै असार २९ गते सोमबारदेखि सुनको मूल्यमा गिरावट सुरु भएको देखिन्छ । २९ गते सोमबार घटेर २ लाख ८५ हजार ५०० मा झरेको सुन ३० गते झनै ओरालो लाग्दै २ लाख ८४ हजार २०० रुपैयाँमा आइपुगेको थियो । यो साताभरिको तथ्याङ्कमा ३० गते सुनको मूल्य सबैभन्दा न्यून विन्दुमा आइपुगेको छ ।