पैसाको वर्षा र ऐतिहासिक फाइनलः विश्वकप २०२६ ले कसरी तोड्दैछ सबै रेकर्ड?

फुटबलको महाकुम्भ २०२६ फिफा विश्वकप केवल खेलमा सीमित छैन, यसले पुरस्कार, व्यावसायिक आकर्षण र विश्वव्यापी लोकप्रियताका हिसाबले पनि नयाँ इतिहास रचिरहेको छ। अमेरिका, क्यानडा र मेक्सिकोले संयुक्त रूपमा आयोजना गरेको यस संस्करणले विश्वकपका लगभग सबै पुराना कीर्तिमान तोड्ने दिशामा अघि बढेको छ।

यसपटक विश्वविजेता टोलीले ५० मिलियन अमेरिकी डलर (करिब साढे ७ अर्ब रुपैयाँ) पुरस्कार प्राप्त गर्नेछ। उपविजेताले ३३ मिलियन डलर, तेस्रो टोलीले २९ मिलियन डलर र चौथो हुने टोलीले २७ मिलियन डलर हात पार्नेछ। प्रदर्शनका आधारमा मात्रै फिफाले ६५५ मिलियन डलर पुरस्कार वितरण गर्दैछ, जुन विश्वकप इतिहासकै सबैभन्दा ठूलो रकम हो।