राप्ती स्वास्थ्य विज्ञान प्रतिष्ठानबाट ४३ जनालाई निःशुल्क स्वास्थ्य सेवा

दाङ । राप्ती स्वास्थ्य विज्ञान प्रतिष्ठान घोराहीबाट करिब तिन महिनाको अवधिमा ४३ जना विपन्न, असहाय र बेवारिसे नागरिकले निःशुल्क सेवा पाएका छन् । सरकारले देशभरका अस्पतालमा १० प्रतिशत बेड र उपचार सेवा निःशुल्क गर्ने भनेसँगै घोराहीमा रहेको प्रतिष्ठानबाट जेठदेखि साउन महिनासम्म ४३ जनाले निःशुल्क सेवा प्राप्त गरेका छन् ।

प्रतिष्ठानले वैशाख १५ गतेदेखि हालसम्म ३० वटा विपन्न, असहाय र बेवारिसे नागरिकका लागि बेड छुट्टाएर निःशुल्क उपचार सेवा प्रदान गरेको राप्त ि स्वास्थ्य विज्ञान प्रतिष्ठानका अस्पताल निर्देशक डा.सुरेश रसाइलीले जानकारी दिए । तीन सय बेड रहेको राप्त ि स्वास्थ्य विज्ञान प्रतिष्ठानले बिरामीका लागि ३० वटा बेड छुट्याएको छ । जसबाट तिन महिनाको अवधिमा ४३ जना विपन्न, असहाय र बेवारिसे नागरिकले निःशुल्क सेवा पाएको निर्देशक रसाइलीले जानकारी दिए ।