जहानियाँ जञ्जिरमा गणतन्त्रको पहिलो झिल्को

हनुमाननगर जेल काण्ड राणाशासनविरुद्धको एउटा यस्तो प्रतीकात्मक विद्रोह थियो, जसले तत्कालीन प्रजातान्त्रिक आन्दोलनलाई मलजलमात्र गरेन, ६–७ दशकपछि नेपालमा स्थापित गणतन्त्रको मियोसमेत बन्यो।

नेपाल र भारतबीच लगभग १ हजार ८ सय ५० किलोमिटर लामो खुला सिमाना छ। यसै खुला सिमानाका कारण नेपाली र भारतीय नागरिकहरू बिनाभिसा एकअर्काको देशमा निर्बाध यात्रा गर्न सक्छन् भने सीमावर्ती नागरिकहरू परस्पर सीमा क्षेत्रमा स्वतन्त्र रूपमा विचरण गर्न पाइरहेका छन्। सन् १९५० को शान्ति तथा मैत्री सन्धि नै यस्तो प्रगाढ पारस्परिक सम्बन्धको मूल जग बनेको छ।