बजेट विहीनतामा सुदूरपश्चिम नयाँ सत्ता समीकरण अन्योलमा

धनगढी ।

सुदूरपश्चिम प्रदेश सरकार राजनीतिक अस्थिरता र बजेट अभावको दोहोरो सङ्कटमा फसेको छ । आर्थिक वर्ष २०८३÷०८४ का लागि असार १ गते प्रदेश सभामा प्रस्तुत गरिएको बजेट संवैधानिक समयसीमाभित्र पारित हुन नसकेपछि प्रदेश सरकारको भविष्य थप अन्योलग्रस्त बनेको छ । बजेट संसदमा प्रस्तुत भएको एक महिनामा पास गर्नुपर्ने कानुनी ब्यवस्था भएकाले कमलबहादुर शाह नेतृत्वको सरकारले बजेट पास गर्न नसक्दा सुदूरपश्चिममा बजेट शुन्यताको अवस्था आएको छ । सत्ता साझेदारी दल नेकपा एमालेले बजेट पारित गर्नुको साटो संसदमा खर्चकटौतीको प्रस्ताव पेश गरेपछि सरकार संकटमा परेको थियो । बजेट वितरणमा मनोमानी गरेको भन्दै नेकपपा एमाललेले बजेट पुनर्लेखन गर्नुपर्ने माग राखेपछि सरकार समस्यामा परेको थियो ।