डा. पाण्डे लोकतान्त्रिक आन्दोलनका प्रखर व्यक्ति थिए : बाबुराम भट्टराई

पूर्वप्रधानमन्त्री तथा लोकतान्त्रिक समाजवादी पार्टी (लोसपा) नेपालका नेता डा बाबुराम भट्टराईले नेपालको लोकतान्त्रिक आन्दोलनका प्रखर संवाहक, वरिष्ठ नागरिक अगुवा तथा पूर्वअर्थमन्त्री डा देवेन्द्रराज पाण्डेको निधनप्रति दुःख व्यक्त गरेका छन्।

सामाजिक सञ्जालमार्फत सचिवालयले शोक वक्तव्य जारी गर्दै डा भट्टराईले २०६२।०६३ को ऐतिहासिक जनआन्दोलनमा नागरिक समाजको नेतृत्व गर्दै डा पाण्डेले देशको राजनीतिक तथा सामाजिक रूपान्तरणमा पुर्‍याएको योगदान सधैं स्मरणीय रहने बताए।