पाल्पा, अर्घाखाँची र रुपन्देहीका तटीय क्षेत्रमा सतर्क रहन आग्रह

रुपन्देही । जल तथा मौसम विज्ञान विभागले पाल्पा, अर्घाखाँची, रुपन्देही र त्यस आसपासको क्षेत्रमा मध्यम वर्षा भइरहेकाले सतर्कता अपनाउन आग्रह गरेको छ । शनिबार बिहान ११:५० बजे एक विशेष बुलेटिन जारी गर्दै विभागले उक्त क्षेत्रमा थप वर्षा हुन सक्ने सम्भावना औँल्याएको हो ।

विभागका अनुसार पछिल्लो ३ घण्टामा ती जिल्ला र आसपासका क्षेत्रमा निरन्तर मध्यम वर्षा भइरहेको छ । पानी पर्ने क्रम अझै जारी रहने देखिएकाले ती क्षेत्र भएर बग्ने स-साना खोलाहरूमा पानीको बहाब बढ्ने जोखिम रहेको विभागले जनाएको छ ।