वीरगन्ज भन्सारबाट गत आवमा २ खर्ब ४३ अर्ब ८२ करोड राजस्व, लक्ष्यको ८९.१९ प्रतिशत मात्र असुल

काठमाडौं । मुलुककै सबैभन्दा ठूलो भन्सार नाका वीरगन्ज भन्सार कार्यालयले आर्थिक वर्ष २०८२/८३ मा २ खर्ब ४३ अर्ब ८२ करोड रुपैयाँ राजस्व सङ्कलन गरेको छ। यो कार्यालयलाई दिइएको वार्षिक लक्ष्यको ८९.१९ प्रतिशत हो।

कार्यालयका सूचना अधिकारी उदयसिंह विष्टका अनुसार गत आर्थिक वर्षका लागि २ खर्ब ७३ अर्ब ३७ करोड रुपैयाँ राजस्व सङ्कलन गर्ने लक्ष्य निर्धारण गरिएको थियो। तर लक्ष्यभन्दा करिब २९ अर्ब ५५ करोड रुपैयाँ कम राजस्व सङ्कलन भएको छ।