सीआईबीले मनायो १६ औँ स्थापना दिवस

काठमाडौँ । नेपाल प्रहरी केन्द्रीय अनुसन्धान ब्यूरो (सीआईबी) को १६ औँ स्थापना दिवस तथा वार्षिकोत्सव विविध कार्यक्रमका साथ सम्पन्न भएको छ। भृकुटीमण्डपस्थित नेपाल पुलिस क्लबको द ब्लु प्याभिलियनमा आयोजित कार्यक्रममा संस्थागत अपनत्वको जीवन्तता, विगतको स्मरण, वर्तमानको समीक्षा तथा भविष्यको रणनीतिक मार्गचित्र सहितको उद्देश्यका साथ वार्षिकोत्सव मनाइएको हो।

ब्यूरोको बृहत्तर हित तथा समुन्नत भविष्यका लागि पहिलो चरणमा पूर्व ब्यूरो प्रमुखहरूसँग अन्तरसंवाद कार्यक्रम सम्पन्न भएको थियो। यसैगरी दोस्रो चरणमा सङ्गठन प्रमुख प्रहरी महानिरीक्षक वसन्त बहादुर कुँवरको प्रमुख आतिथ्यतामा औपचारिक कार्यक्रम गरिएको हो।