मदिरा सेवन गरेका चालकले दुई बसलाई ठक्कर दिँदा आठ घाइते

रौतहटको चन्द्रपुर नगरपालिका ४ दोस्रो लाच्कास्थित पूर्व–पश्चिम महेन्द्र राजमार्गमा ट्रकले दुईवटा यात्रुवाहक बसलाई ठक्कर दिँदा आठ जना घाइते भएका छन्। दुर्घटनापछि एक बस सडकमा पल्टिएको प्रहरीले जनाएको छ।

प्रहरीका अनुसार जनकपुरबाट गरुडातर्फ जाँदै गरेको म प्र ०२–००१ क ०८६७ नम्बरको ट्रकले काठमाडौंबाट धरानतर्फ गइरहेका बा प्र ०३–००१ ख ५२८४ र बा प्र ०३–००१ ख ३६६० नम्बरका यात्रुवाहक बसलाई ठक्कर दिएको थियो। ठक्करको प्रभावले बा प्र ०३–००१ ख ३६६० नम्बरको बस सडकमै पल्टिएको थियो।