कतारले नेपाललाई दियो ७७ रनको लक्ष्य

काठमाडौं : एसीसी महिला प्रिमियर कप २०२६ मा कतारले नेपाललाई ७७ रनको लक्ष्य प्रस्तुत गरेको छ। टस हारेर पहिलो ब्याटिङको निम्तो पाएको कतार १६.५ ओभरमा ७६ रन बनाउँदै अल आउट भएको हो।

नेपालकी पूर्व कप्तान रुबिना क्षेत्रीको किफायती बलिङमा कतार ७६ रनमा रोकियो। कतारको लागि ओपनर ब्याटर गीतरुड चान्दिरुले सर्वाधिक २५ रन बनाइन् उनले १९ बलमा दुई चौका र एक छक्का प्रहार गरिन्। पहिलो विकेटका लागि दुई ओपनरद्वय फातिमा मुकादमसँग उनले ३५ रनको साझेदारी बनाएकी थिइन्।