गेटा आँखा अस्पतालका कर्मचारी र प्रशासनबीचको विवाद

धनगढी । नेत्रज्योति संघ नेपालअन्तर्गत सञ्चालित कैलालीको गेटा आँखा अस्पतालमा कर्मचारी र प्रशासनबीचको विवाद सुरु भएको छ। लामो समयदेखि उठाउँदै आएका माग सम्बोधन नभएको भन्दै कर्मचारी आक्रोशित भएका हुन् । अहिले यो विवाद मानव अधिकार आयोगसम्म पुगेको छ।

कर्मचारीले गत वर्षको बजेटबाट वृद्धि गरिएको महँगी भत्ता तत्काल उपलब्ध गराउनुपर्ने, नेपाल सरकारले आइतबार दिने सार्वजनिक बिदा अस्पतालमा पनि लागू गर्नुपर्ने वा त्यसबापत सट्टा बिदा अथवा अतिरिक्त भत्ता दिनुपर्ने र अस्पतालमा संगठन तथा व्यवस्थापन सर्वेक्षण (ओएनएम) गरी आवश्यक जनशक्ति, दरबन्दी र सेवा–सुविधा सुनिश्चित गर्नुपर्ने माग राख्दै आएका छन्।