करिब सत्तरी प्रतिशत सकियो धान रोपाईँ

काठमाडौँ। देशभर यस वर्षको साउन १ गतेसम्म कुल धान खेती हुने क्षेत्रफलको ६९.७७ प्रतिशत क्षेत्रमा धान रोपाइँ सम्पन्न भएको छ। कृषि विभागका अनुसार कुल १३ लाख ७३ हजार ८६२ हेक्टर धान खेतीयोग्य जमिनमध्ये ९ लाख ५८ हजार ५७४ हेक्टरमा रोपाइँ सकिएको हो।

यद्यपि, गत वर्षको तुलनामा यस वर्ष धान रोपाइँको गति केही सुस्त देखिएको छ। गत वर्ष साउन ४ गतेसम्म देशभर ७२.१४ प्रतिशत क्षेत्रमा धान रोपाइँ सम्पन्न भएको थियो। यस आधारमा यस वर्षको रोपाइँ करिब २.३७ प्रतिशतले पछि परेको देखिन्छ।