ताप्लेजुङमा ९१ विपद्का घटना : १० जनाको मृत्यु, ३२ घाइते

ताप्लेजुङमा आर्थिक वर्ष २०८२।८३ को एक आर्थिक वर्षको अवधिमा भएका विपद्का घटनामा परी १० जनाको मृत्यु भएको छ।

जिल्ला प्रशासन कार्यालयका सूचना अधिकारी तथा सहायक प्रमुख जिल्ला अधिकारी यादव भट्टराईका अनुसार एक आर्थिक वर्षमा भएका ९१ वटा विपद्का घटनामा परी ५ महिला, ४ पुरुष र १ बालिका गरी कुल १० जनाको मृत्यु भएको छ। भट्टराईका अनुसार आगलागीका घटनामा परी २ महिला र २ पुरुष गरी ४ जना, बाढीमा घटनामा परी १ महिला र १ बालिका गरी २ जना, पहिरोका कारण १ पुरुष र १ महिला गरी २ जना, चट्याङका कारण १ पुरुष र लेक लागेर १ महिलाको ज्यान गएको हो।