श्रीमतीको हत्या गरेको आरोपमा एक पुरुष पक्राउ

काठमाडौँ । सङ्खुवासभामा श्रीमतीलाई खुकुरी प्रहार गरी हत्या गरेको आरोपमा एक पुरुष पक्राउ परेका छन् । जिल्लाको चैनपुर नगरपालिका–०७ घर भई हाल मादी नगरपालिका –०४ डाँडागाउँ बस्दै आएका अन्दाजी ५६ वर्षीय अमरबहादुर सार्की सो आरोपमा पक्राउ परेका हुन् ।

उनले ४३ वर्षीया श्रीमती फुलमाया मुदेललाई खुकुरी प्रहार गरी हत्या गरेका हुन् । घरायसी विवादका क्रममा उनले आफ्नै घरमा रहेको धारिलो हतियार (खुकुरी) प्रहार गरी श्रीमतीको हत्या गरेको प्रहरीले जनाएको छ ।