भारतीय युवा पुस्ता सिनेमाबाट टाढियो भन्दै आर माधवनले गरे चिन्ता

बलिउड अभिनेता आर. माधवनले युवा पुस्ता भारतीय सिनेमाबाट क्रमशः टाढिँदै गएकोप्रति चिन्ता व्यक्त गरेका छन्। उनले अहिलेका युवाहरू, विशेषगरी आफ्ना २० वर्षीय छोरा वेदान्तको पुस्ता, भारतीय चलचित्रभन्दा जापानी एनिमे र कोरियन सामग्रीतर्फ बढी आकर्षित भइरहेको बताएका छन्।

आगामी फिल्मको प्रचारका क्रममा सिनेमा एक्सप्रेससँग कुरा गर्दै माधवनले भारतीय फिल्म उद्योगले दर्शकलाई फिल्म उद्योगसँग मात्र होइन, कथा प्रस्तुत गर्ने फरक शैलीसँग पनि गुमाइरहेको बताए।