सम्मानजनक पारिश्रमिकको माग गर्दै चिकित्सक सडकमा

काठमाडौं । युवा तथा प्रशिक्षार्थी चिकित्सकहरूले श्रम शोषणको अन्त्य, उचित पारिश्रमिक र सम्मानजनक कार्य वातावरणको सुनिश्चितता गर्न माग गर्दै काठमाडौंमा प्रदर्शन गरेका छन्।

प्रदर्शनका क्रममा उनीहरूले ‘युवा तथा प्रशिक्षार्थी चिकित्सकको श्रम शोषण बन्द गरौँ’, ‘जेनजीको नाममा बनेको सरकार, जेनजी डाक्टरलाई न्याय दे’ तथा ‘रातभर नसुतेको डाक्टर बिरामी छ, स्वास्थ्य सेवा बिरामी छ, देश बिरामी छ’ लगायतका सन्देश लेखिएका प्लेकार्ड प्रदर्शन गर्दै आफ्ना मागप्रति सरकारको ध्यानाकर्षण गराएका थिए।