चितवनमा बलेरोको ठक्करबाट स्कुटर चालक घाइते

चितवनको भरतपुरमा शनिबार दिउँसो बलेरो गाडीले स्कुटरलाई ठक्कर दिँदा एक जना घाइते भएका छन्। भरतपुर महानगरपालिका–१० मा भएको सो दुर्घटनामा स्कुटर चालक भरतपुर–१२ बस्ने ४० वर्षीय रमेश पाण्डे घाइते भएका हुन्।

जिल्ला प्रहरी कार्यालय चितवनका अनुसार शनिबार दिउँसो करिब २:५५ बजे लु.प्र.०१-००१च ३४८९ नम्बरको बलेरोले ना ३६ प ९४४२ नम्बरको स्कुटरलाई ठक्कर दिएको थियो। दुर्घटनामा घाइते भएका पाण्डेलाई उपचारका लागि भरतपुरस्थित पुष्पाञ्जली अस्पताल पठाइएको छ।