रसुवा बाढीमा इन्फोसिसको सहायक कम्पनीका सीईओ ल्याक्स गोपिसेट्टी बेपत्ता

१२ भदौ, काठमाडौं । नेपालमा आएको विनाशकारी बाढीपछि सूचना प्रविधि (आईटी) क्षेत्रको प्रतिष्ठित बहुराष्ट्रिय कम्पनी इन्फोसिसको सहायक कम्पनी ‘इन्फोसिस पब्लिक सर्भिसेस’ का प्रमुख कार्यकारी अधिकृत (सीईओ) ल्याक्स गोपिसेट्टी सम्पर्कविहीन भएका छन् । इन्फोसिस पब्लिक सर्भिसेस मुख्यतया अमेरिका र क्यानडाको सार्वजनिक क्षेत्रमा केन्द्रित रहेर काम गर्ने प्रविधि कम्पनी हो ।

भारतको बेङ्गलुरुमा मुख्यालय रहेको इन्फोसिसले एक विज्ञप्ति जारी गर्दै गोपिसेट्टी नेपाल भ्रमणका क्रममा सम्पर्कविहीन भएको पुष्टि गरेको छ । कम्पनीका अनुसार उनी व्यक्तिगत भ्रमणका सिलसिलामा रसुवा क्षेत्रमा आएका थिए ।