घरमै बसेर स्याटेलाइट तस्बिरबाट भवन र सडकको नक्साङ्कन, बाढी उद्धारमा सहयोग

१३ भदौ, काठमाडौं । नेपालको बाढी उद्धार अभियानले विपद् प्रभावित क्षेत्रभन्दा हजारौँ किलोमिटर टाढा रहेका स्वयंसेवकको सहयोग लिन थालेको छ। स्याटेलाइट तस्बिरमार्फत भवन र सडकको नक्साङ्कन गरेर उद्धारकर्मीलाई प्रभावित स्थान पहिचान गर्न सहयोग गर्न सकिन्छ।

विश्वव्यापी गैरनाफामूलक मानवीय नक्साङ्कन संस्था ‘ ह्युमेनिटेरियन ओपनस्ट्रिटम्याप टिम’ (हट) ले प्रधानमन्त्रीको कार्यालयसहित विभिन्न साझेदारसँगको सहकार्यमा बाढी प्रभावित क्षेत्रको नक्साङ्कन गरिरहेको छ। यसको उद्देश्य उद्धार तथा पुनःस्थापनाका लागि आवश्यक भौगोलिक सूचना उपलब्ध गराउनु हो।