नागढुङ्गा सुरुङमार्गमा जनचेतना बढाउन ‘टनेल रन एण्ड वाक’

सडक विभाग र जापान अन्तरराष्ट्रिय सहयोग नियोग (जाइका) नेपालको संयुक्त आयोजनामा नागढुङ्गा सुरुङमार्गको प्रवर्द्धन तथा जनचेतना अभिवृद्धि गर्ने उद्देश्यले शनिबार ‘नागढुङ्गा टनेल रन एण्ड वाक’ कार्यक्रम सम्पन्न गरिएको छ।

नागढुङ्गा सुरुङमार्ग निर्माण आयोजना कार्यालयका निर्देशक सौजन्य नेपालका अनुसार सर्वसाधारणलाई सुरुङमार्गको महत्व, उपयोगिता र सञ्चालनबारे जानकारी गराउने उद्देश्यले दौड तथा पदयात्रा कार्यक्रम आयोजना गरिएको हो। नागढुङ्गा–नौबिसे सुरुङमार्गको लम्बाइ दुई हजार ६८८ मिटर रहेको छ।